Kryeparlamentari Glauk Konjufca ua ka tërhequr vërejtjen deputetëve të Kuvendit të Kosovës të cilët sipas tij janë duke tymosur cigare në hapësirat e brendshme të bufesë.

Sipas tij, ka ankesa nga deputetët tjerë se tymi i cigares po depërton edhe në sallën ku po mbahet seanca e Kuvendit.

“Ju tregojmë edhe një herë që duhani është shumë i dëmshëm për shëndetin”, u tha Konjufca deputetëve, shkruan Reporteri.net.

Tutje, dikush nga deputetët i theksoj atij se pirja e duhanit përveç e dëmshëm është edhe i ndaluar të konsumohet në hapësirat e mbyllura.

“I ndaluar po se po, por edhe e dëmton shëndetin”, tha Kryeparlamentari Konjufca.

Por, Konjufca nuk tregoi se kush janë deputetët që po e shkelin ligjin që ndalon pirjen e duhanit në hapësirat e mbyllura. /Reporteri.net/.