Galeria Kombëtare e Kosovës ka njoftuar se dy punonjës të saj janë diagnostikuar me sëmundjen COVID-19.

Për këtë arsye GKK-ja ka njoftuar se hapja e ekspozitës së paraparë të hapet këtë javë është shtyrë për në javën e ardhshme.

“Meqë në stafin e GKK i kemi tanimë dy raste aktive me COVID-19, sipas rekomandimit të IKSHPK-së, hapësirat tona qëndrojnë mbyllur për stafin administrativ dhe teknik, si dhe për vizitorë derisa të përfundojë periudha e izolimit preventiv, në fund të kësaj jave. Për këtë arsye hapja e ekspozitës ‘Bienalja ndërkombëtare e vizatimit’ nga AAVK-ja shtyhet edhe për një javë dhe hapet për vizitorë të enjten e ardhshme, 25 qershor”, thuhet në njoftimin e GKK-së. /Reporteri