Dy qytetarë serbë janë plagosur sot në Mitrovicë të Veriut.

Lajmin e ka bërë të ditur ministri i Brendshëm, Xhelal Sveçla, transmeton Gazeta Online Reporteri.net.

“Sapo jam njoftuar nga Policia e Kosovës se në Mitrovicën e Veriut ka ndodhur një incident me ç’rast dy qytetar të nacionalitetit serb kanë mbetur të plagosur dhe njëri nga ta ndodhet nën tretman mjekësor”, ka njoftuar Sveçla në Facebook.

Sipas tij, policia tashmë ka dyshime të bazuara lidhur me dorasin e këtij akti, që po ashtu është serb.

“Njësitet relevante policore tashmë kanë dyshime të bazuara mbi dorasin e këtij akti i cili është po ashtu i nacionalitetit serb, pjestarë i strukturave paralele kriminale të Serbisë. Njësitet policore do të ndërmarrin të gjitha masat e nevojshme në bazë të kompetencave që kanë në mënyrë që dorasi apo dorasit e këtij sulmi të sillen sa më parë para drejtësisë”, tha ministri Sveçla. /Reporteri.net/.

Njoftimi i plotë: