×
  • Lajme
  • Lajme / 130 kilogramë marihuanë

    Dyshimet se prokurori Metush Biraj mori ryshfet për të dështuar një aktkauzë për drogë, reagon Ministrja Haxhiu

    Reporteri
    03 Dhjetor 2023 | 17:19

    Ministrja e Drejtësisë, Albulena Haxhiu, ka reaguar pas një shkrimi të publikuar në media ku u raportua se si prokurori Metush Biraj dyshohet se mori ryshfet për dështimin e një aktakuze për 130 kilogramë marihuanë.

    Haxhiu ka tshkruar në Facebook se ky nuk është rast i izoluar dhe ndoshta kjo është arsyeja pse siç thotë ajo ky skandal nuk merr përmasat e asaj çfarë realisht është.

    “Ky është njëri prej shembujve ku i fuqishmi amnistohet sepse drejtësia mund të blihet dhe i varfëri vuan dënimin”, ka shkruar Haxhiu.

    Tutje ministrja ka shtuar se prandaj vazhdojnë të insistojnë në domosdoshmërinë e një procesi të vettingut, të cilit proces thotë se jo pak zyrtarë nga drejtësia iu kanë frikësuar.

    “Është shqetësues fakti që Këshilli Prokurorial, të cilët reagojnë për secilin status në rrjetet sociale, nuk kanë reagur ende për këtë skandal”, ka shkruar Haxhiu.

    Ky reagim i ministres Albulena Haxhiu vije pasi “Betimi për Drejtësi” nga burime brenda Prokurorisë Themelore në Gjilan ka siguruar një video dëshmi, ku zhvillohen biseda për të ndikuar në rastin e drogës, në mes ish-prokurorit Biraj dhe të dyshuarit Shkodran Pulaj.

    Fillimisht, video prej afër 7 minutash dëshmon se ish-prokurori Biraj diskuton për hapat ligjor që do t’i ndërmarrë si prokuror me palë të jashtme të papërfshira në proces gjyqësor.

    Postimi i ministres Haxhiu:

    Një grua me sy të mbyllur, që në njërën dorë mban peshoren dhe në tjetrën shpatën paraqet tash e me shekuj simbolin e asaj që e quajmë Drejtësi. E verbër karshi faktorëve të jashtëm të cilët nuk mund ta cenojnë prerjen objektive me shpatë të drejtësisë. Vetëm asisoj gjykimi mbetet i drejtë.

    Nuk është hera e parë që shohim lajme të tilla si ai i djeshmi që u publikua nga ‘Betimi për Drejtësi’ për mënyrën se si një prokuror po negocionte shkatërrimin e aktakuzës me qëllim përfitimin e parave. Kështu prokurori Metush Biraj ishte tërhequr nga aktakuza vetëm 3 ditë para se merrte vendim Gjykata.

    Për ne që kemi jetuar në Republikën e Kosovës e dimë që ky nuk është rast i izoluar dhe ndoshta kjo është arsyeja pse ky skandal nuk merr përmasat e asaj çfarë realisht është. Ky është njëri prej shembujve ku i fuqishmi amnistohet sepse drejtësia mund të blihet dhe i varfëri vuan dënimin. Prandaj vazhdojmë të insistojmë në domosdoshmërinë e një procesi të vettingut, të cilit proces jo pak zyrtarë nga drejtësia iu kanë frikësuar, sikurse kanë bërë me secilën inciativë tonën me qëllim reformën e thellë në drejtësi.

    Është shqetësues fakti që Këshilli Prokurorial, të cilët reagojnë për secilin status në rrjetet sociale, nuk kanë reagur ende për këtë skandal.

    Në vendin tonë nuk do të mund të ketë drejtësi të mirëfilltë pa u kthyer besimi i qyetarëve në institucionet e drejtësisë dhe ky besim nuk mund të kthehet pa e prerë qartë mendësinë e kaluar që ende nuk po shkon.

    Ndarja e qartë me këtë mendësi është procesi i vettingut që duhet ta nisim si shtet sa më parë sapo të jemi të zhbllokuar nga Gjykata Kushtetuese për t’ju drejtuar pastaj Kuvendit të Kosovës. Ashtu siç kemi thënë çdo vonesë në këtë drejtim i shërben vetëm qarkut të vjetër vicioz që nuk do të dali nga kjo valle e padrejtësisë.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!