IPK ka suspenduar sot komandantin e policisë së Gjakovës, Kristë Gjokaj dhe pesë policë të tjerë.

Express shkruan se masa e suspendimit është për 48 orë, e ka të bëjë me një rast të një viti m ë parë, kur kishte pasur shkëmbim zjarri në mes të policisë me një grabitës.

Policia e Kosovës një vit më parë ishte përfshirë në një përleshje të armatosur me disa persona të dyshuar për vjedhje në rajonin e Gjakovës. Disa polic kishin marrë lëndime të lehta.

Suspendimin e ka konfirmuar zëdhënësi i Policisë së Kosovës, Baki Kelani.

“Bazuar në rekomandimin e Inspektoratit Policor, sot janë suspenduar perkohesisht 6 zyrtar policor nga Drejtoria Rajonale e Gjakovës. Suspendimi i tyre është bere sipas rekomandimit te IPK, pasi ndaj te njejteve janë duke u kryer hetime”, ka thënë Kelani.