Antonia Tolaj, 25-vjeçare nga fshati Pobërgjë i Deçanit, ka ndërruar jetë si pasojë e një aksidenti të trafikut, në Leipzig të Gjermanisë.

Lajmin për vdekjen e saj e ka bërë të ditur kryetari i Komunës së Deçanit, Bashkim Ramosaj.

“Me pikëllim të thellë pranuam lajmin për ndarjen nga jeta të bashkëvendëses tonë Antonia Tolaj nga Pobërgja, në moshën 25 vjeçare në një aksident trafiku në qytetin Leipzig të Gjermanisë. Nga zemra ju shpreh ngushëllimet me të sinqerta familjes Tolaj dhe gjithë qytetarëve të Deçanit.Zoti ua lehtësoftë dhimbjen”, shkroi ai në Facebook.