Derisa po prisnin Projektligjin për Trustin, Kryeparlamentari Glauk Konjufca ka thënë se sot në Kuvend nuk ka votim për Projektligjin për Trustin.

Pas dështimit të votimit për Projektligjin për KPK-në, Konjufca u tha deputetëve se nëse nuk kalon edhe Ligji pasues, atëherë më mirë të ndërprehet seanca, por që deputetet kanë reaguar menjëherë duke kërkuar votimin e Projektligjit për Trustin.

“Nëse nuk kalon edhe Ligji tjetër, a e ndërprejmë seancën se nuk ka kuptim kshtu. Çfarë Trusti, votoni për Projektligje. S’ka Trust, çfarë Trusti, ose funksionon Kuvendi, ose nuk funksionon, çfarë Trusti”, tha fillimisht Konjufca.

Tutje Kryeparlamentari shtoi se Kuvendi nuk funksionon kështu, të bëhet ashtu siç duan deputetët.

“Po e ndërprej vlla, edhe ditën e mirë. Mos bëni hajgare kështu, ose qysh dua unë, ose s’funksionon Kuvendi, kështu nuk ka”, u tha Konjufca deputetëve.

“Nuk ka kuorum Kuvendi për të vazhduar. Shihemi nesër në orën 10:00”, tha Konjufca krejt në fund. /Reporteri.net/