Kryesia e Partisë Demokratike të Kosovës në një mbledhje të mbajtur sot ka marrë vendimin për mbajtjen e Konventës për zgjedhjen e kryetarit të ri të partisë më 3 korrik 2021, ditë e shtunë.

Ish-ambasadorja Vlora Çitaku, e përfolur për kryetare të PDK-së, e ka quajtur lajm jashtëzakonisht të mirë shpalljen e zgjedhjeve brenda kësaj partie.

Ajo thotë se përtej ndryshimeve nominale, ndryshimet programore dhe strukturore janë po aq të rëndësishme, shkruan Reporteri.net.

Postimi i saj:

PDK ka bërë hapin e duhur sonte duke vendosur për të shkuar në zgjedhje për lidershipin e partisë. Lajm jashtëzakonisht i mirë.

Përtej ndryshimeve nominale, ndryshimet programore dhe strukturore janë po aq të rëndësishme.

Në një demokraci të shëndoshë roli i opozitës është vital. Bravo ?

Respekt maksimal për Enver Hoxhajn, i cili në rrethana krejt të jashtëzakonshme mori përgjegjësinë për ta udhëhequr PDK-në.

Na priftë e mbara!