Anëtari i Vetëvendosjes, Hysamedin Feraj, së fundmi e ka akuzuar si pro rus ish kryeministrin e Kosovës, Ramush Haradinaj duke thënë se lufta e tij nuk përbën argument dhe se ky i fundit deshi ta coptojë Kosovën.

Ndaj kësaj deklarate ka reaguar deputeti i AAK-së, Gazmend Syla, duke thënë se është e turpshme ajo që po e thotë Feraj.

Ai ka thënë se shumë njerëz e thonë që Ramush Haradinaj është Adem Jashari i gjallë, ndërkohë që Feraj akuzon kaq ulët.

“Shpesh herë tjerët e kanë thënë se Ramush Haradinaj është Adem Jashari i gjallë. Këtë e kanë thënë për faktin se nuk u kursye as vet e as familja e tij. Çohet një profesor që së paku për etik të profesorit do të duhej të ishte më i përmbajtur, Hysamedin Feraj i Vetëvendosjes thotë se Ramush Haradinaj na qenka pjesë e lobit serbo-rus. Po, po! Ramush Haradinaj na qenka pro rus e pro serb. Marrja rëndoftë mbi ju”, ka shkruar Syla.