Një i ri shqiptar ka humbur jetën në orët e para të mëngjesit të sotëm në Athinë, si pasojë e një aksidenti të rëndë në trafik, transmeton Gazeta Online Reporteri.net.

22-vjeçari shqiptar u përplas teksa po drejtonte motoçikletën e tij me një veturë dhe si pasojë e lëndime të rënda që mori, humbi jetën në vendin e ngjarjes.

Siç raportojnë mediat e huaja, shoferi i veturës është një 63-vjeçar grek, teksa po vijojnë hetimet për të zbardhur shkaqet e aksidentit që ndodhi në vendin e quajtur Nea Erithrea.