Një vetaksident trafiku rreth orës 19:55 ka ndodhur sonte në fshatin Lubizhdë të Prizrenit.

Si pasojë e vetaksidentit një person, 23-vjeçar, ka humbur jetën, ndërsa vëllai i tij, 20 vjeç është lënduar rëndë.

Lajmin e ka konfirmuar Policia e Kosovës në Prizren për Reporteri.net, gjersa treguan se personi i lënduar në këtë aksident është në gjendje të rëndë shëndetësore duke u trajtuar në Emergjencën e Spitalit të Prizrenit.

“Një vetaksident trafiku rreth orës 19:55 ka ndodhur sonte në fshatin Lubizhdë të Prizrenit. Si pasojë e vetaksidentit një person ka humbur jetën, ndërsa një tjetër është lënduar rëndë. Ai është në gjendje të rëndë shëndetësore duke u trajtuar në Emergjencën e Spitalit të Prizrenit”, njofton Policia.