Bizneset të cilat kanë pasur humbje si pasojë e pandemisë COVID-19 do të ndihmohen nga Fondi për Rimëkëmbjen Ekonomike, ku Qeveria e Kosovës nga ky Fond, i cili kap vlerën 365 milionë euro, ka ndarë 60 milionë euro, për subvencionimimin e pagave për bizneset aktive.

Përveç kësaj shume, janë ndarë edhe 27 milionë euro të tjera për ndihme ndaj familjeve me asistencë sociale, subvencionim në bujqësi dhe për ndërmarrësi.

Ministrja e Financave, Hykmete Bajrami në prezantimin e këtij propozimi, kishte thënë se, kjo përfshinë edhe bizneset e reja të regjistruara nga fillimi i vitit deri në muajin gusht 2020.

“Sipas Programit për Rimëkëmbjen Ekonomike dhe sipas vendimit të Qeverisë së datës 13 gusht, në Ministrinë e Ekonomisë dhe Ambientit ndahen 60 milionë euro, ndarja behët për subvencionimin e pagave për bizneseve aktive bazuar me numrin e të punësuarve, të deklaruar në deklaratën e tatimit të muajit dhjetor 2019 që plotëson kushtet në vijim: të kenë statusin e tatimpaguesit aktiv për muajin korrik dhe të kenë të dorëzuar deklaratën tremujore”, kishte thënë Bajrami, përcjell Telegrafi.

Sipas saj, nga ky vendim nuk do të përfitojnë ndërmarrjet publike dhe bizneset që e kanë të rregulluar tregun nga rregullatorët.

“Nga ky vendim nuk do të përfitojnë ndërmarrjet publike dhe bizneset që e kanë të rregulluar tregun nga rregullatorët. Subvencionimi përfshin edhe për bizneset e regjistruara për periudhën janar-gusht 2020, ku në këtë rast subvencionimi bazohet në numrin e të punësuarve për muajin korrik 2020”, ka shtuar ajo.

Në kuadër të zbatimit të Fondit të Rimëkëmbjes Ekonomike, Ministria e Ekonomisë dhe Ambientit ka ekzekutuar të martën pagesën e parë për bizneset në vlerë prej 37 milionë e 710 mijë e 730 euro për 15,745 biznese, të cilat i kanë plotësuar kushtet në këtë fazë.

https://www.facebook.com/avdullah.hoti/photos/a.538814562846569/3738440199550640/?type=3&__xts__%5B0%5D=68.ARDIyau74MmUvNzEvA_C2QEwxWrGGvm-Ixy22yPivcI0HCwdfFrZContNdYUCa56ZsAbJGj4f11LAtGfQq60mxEfA5QzeIcX8lUyKnnyoo6utGeB7c-i_Ayd-A351jluihgS9BBytF_lbN6iqvQMZX9KaI-wYuCoH9ssIBGlQIx1AKfxqQZO2HxX7AGEVyACArC-DmYPD4qmjBbhNHNZy1uWFhNQ9D2yzuzMisF4skFJ4TtkxiKv7uS_sR8787oKywZd266wUds1ZrxMKi1xM5E5k82qVgq0PNGpFrElPxI-uLQ5QORM6GYjzi39XM4H4RDSTNsPPOL9KEk-hscQ73YOyQ&__tn__=-R