30 shenja për paralajmërim të rrezikut janë vendosur përreth grumbulluesit të ujërave industrialë të Korporatës Energjetike të Kosovës, që u shndërrua në atraksion si “liqeni i kaltër”.
Ushtruesi i detyrës së kryeshefit ekzekutiv të KEK-ut, Luigj Imeri, ka njoftuar në Facebook se kanë vendosur 30 shenja çdo 50 metra, pas kërkesës së kryeparlamentares Vjosa Osmani ditë më parë.
Osmani është takuar me menaxhmentin e këtij institucioni dhe është interesuar për liqenin artificial, i cili përmban mbetje të rrezikshme të cilat e dëmtojnë ambientin.
Ajo kërkoi që në këtë pjesë të vendosen pengesa e jo vetëm të shkruhet në një pllakat se “ndalohet hyrja”.
Shenjat këshillojnë qytetarët që kjo zonë nuk është e preferuar të përdoret për rekreacion. /Reporteri.net/