Komisioni Qendror Zgjedhor po vazhdon me procedurat përgatitore për zgjedhjet e 9 shkurtit. Zëdhënësi i KQZ-së, Valmir Elezi në “Info Plus” të RTK-së ka dhënë detaje nga përgatitjet e këtij institucioni.

“Që nga dita e shpalljes deri në ditën e zgjedhjeve, janë më shumë se 5 muaj e 20 ditë në dispozicion të KQZ-së. Procesi i përgatitjeve po zhvillohet normalisht dhe sipas planit të aktiviteteve”, ka thënë ai.

Elezi ka pëmendur se po zhvillohet periudha e ndërrimit të qendrës së votimit dhe se qendrat komunale të numërimit janë vendosur.

“Deri në këtë kohë, KQZ është duke zhvilluar aktivitete të ndryshme, si dhe po vazhdon periudha e aplikimit për regjistrimin e votuesve jashtë Kosovës, e cila do të jetë deri më 26 dhjetor. Për këtë qëllim është funksionalizuar platforma elektronike ‘diaspora’”, ka thënë Elezi./rtklive/