Ende pa nisur seanca për votimin e projektligjit për rimëkëmbjen ekonomike, Kuvendi i Kosovës ka shkuar në pauzë 30-minutëshe.

Kryekuvendarja Vjosa Osmani ka kërkuar pauzën për shkak të mungesës së kuorumit, pasi në sallë ishin prezentë vetëm 40 deputetë, edhe pse seanca e jashtëzakonshme ishte ftuar me 61 nënshkrime, sipas LDK-së.

Sot për të shtatën herë me radhë do të tentohet që të votohet projektligji për Rimëkëmbjen Ekonomike.

Pushteti deri tash ka dështuar t’i sigurojë 61 votat, e opozita nuk ka qëndruar fare në sallë kur është hedhur në votim ky projektligj.

Lidhja Demokratike e Kosovës ka njoftuar se për seancën e sotme i ka votat që i duhen për të kaluar këtë pikë.