Endrit Thaçi, djali i ish-kreut të PDK-së dhe themeluesit të kësaj partie, Hashim Thaçit, ka reaguar pasi Memli Krasniqi do të ulet në karrigen që babai i tij e zotëronte dikur.

“Urime Kryetar @memlikrasniqi”, ka shkruar ai, krahas një fotografie të publikuar me të dhe me babanë e tij.

Ndryshe, Memli Krasniqi është zgjedhur sot kryetar i PDK-së.

Krasniqi ishte i vetmi nga PDK-ja i cili kishte shpallur kandidaturën për të marrë drejtimin e partisë, në Konventën e jashtëzakonshme zgjedhore të PDK-së.

Para delegatëve, Krasniqi ka thënë se PDK-ja si parti kurrë nuk ka qenë më e goditur se sot, derisa është zotuar se do të punojë për ta rikthyer këtë parti në vendin e parë.

Ai do të udhëheqë partinë për dy vjet, pasi dy vjetët e para të mandatit të kryetarit i ka kryer Kadri Veseli.