Eurodeputeti austriak, Lukas Mandl ka thënë se është koha për një marrëveshje që hap rrugën e pajtimit mes Kosovës dhe Serbisë.

Mandl përmes një postimi në Twitter ka shkruar se marrëveshja duhet të ketë edhe njohje dhe një të ardhme në paqe për dy vendet.

“Pas 15 vjetësh të pavarësisë së Kosovës, pas 1 viti të telasheve të Serbisë me lirinë dhe paqen që u zbulua globalisht, është koha për një marrëveshje që të hapë rrugën për pajtim, njohje dhe një të ardhme në paqe dhe prosperitet”, ka shkruar Mandl.

Kujtojmë se sot pasdite në Bruksel, Kryeministri i Kosovës, Albin Kurti dhe presidenti i Serbisë, Aleksandar Vuçiq, do të zhvillojnë takimin e nivelit të lartë në kuadër të dialogut mes dy vendeve të lehtësuar nga Bashkimi Evropian.

After 15y of Kosovo-independence, after 1y of Serbia‘s trouble with freedom & peace being globally revealed, it’s time for an agreement to pave the path for reconciliation, recognition and a future in peace & prosperity. #Kosovo #Serbia @JosepBorrellF @albinkurti @avucic #WB6

— Lukas Mandl (@lukasmandl) February 27, 2023