Kolektivi për Mendim dhe Veprim Feminist nëpërmjet një reagimi publik kanë kërkuar nga deputeti i Lëvizjes Vetëvendosje, Eman Rrahmani dhe të tjerë deputetë që dolën kundër Ligjit për Shëndet Riprodhues dhe Fertilizim të Asistuar, duke ju thënë se “nëse s’keni uterus, msheleni gojën”.

Në reagimin e KMVF thuhet se deklarimet e Rrahmanit janë kundër të drejtave dhe lirive të grave për riprodhim dhe sipas tyre legjitimojnë shtypjen e grave dhe cenimin e të drejtës që ato të vendosin për trupat e tyre.

“Vizioni patriarkal i Rrahmanit ka nxitur gjuhë urrejtjeje ndaj Sarandës dhe grave anembanë Kosovës dhe kësaj duhet t’i vijë fundi”, thuhet në reagim.

Ato, madje e kanë shpallur “non-grata” Rrahmanin duke thënë se nuk e dëshirojnë në Kuvend dhe se do t’i kundërvihen siç e quajnë ato “fallocentrizmit”

“Ne sonte e shpallim Rrahmanin të padëshiruar në Kuvend dhe e paralajmërojmë atë dhe shokët e tij që ne do kundërvihemi fallocentrizmit të tyre e çdo tentative për të na shtypur dhe s’do ndalemi së thëni me zë të lartë që liria mbi trupin tonë na takon veç neve.”, thotë reagimi.

Reagimi i plotë: