Policia në Ferizaj ka ndaluar një 29-vjeçar për tejkalim të shpejtësisë, shkruan Reporteri.net.

Në zonën 40 km/h, 29-vjeçari zhvilloi shpejtësi 93 km/h.

ndaj tij është shqiptuar gjobë 300 euro.

Komunikata:

Ndëshkohet shoferi për tejkalim shpejtësie në Ferizaj

Policia e stacionit në Ferizaj me datën 16.04.2025, rreth orës 20:58 ka ndaluar shoferin U. S., 29 vjeç, i cili në rrugën “Rexhep Bislimi” ne Ferizaj ka tejkaluar shpejtësinë e lejuar. Ai po drejtonte një veturë të markës VW me targa vendore dhe në një zonë me kufizim shpejtësie prej 40 km/h, ka lëvizur me 93 km/h.

Për këtë kundërvajtje, policia i ka shqiptuar një gjobë prej 300 eurosh, 3 pikë negative në patentë-shofer dhe masën e pezullimit të lejes së drejtimit për 6 muaj.

Policia apelon te të gjithë shoferët që të respektojnë rregullat dhe shenjat e trafikut për sigurinë e tyre dhe pjesëmarrësve tjerë në trafik.

Qytetarët mund të raportojnë çdo shkelje të trafikut përmes aplikacionit “Lajmëro Policinë” ose duke kontaktuar numrat e emergjencës: 192, 0290/326-250, 0290/322-406.

Të gjitha raportimet do të trajtohen me konfidencialitet të plotë.