Një person ka vdekur pasi është rrëzuar nga kati i tetë i një ndërtese.

Rasti ka ndodhur pasditen e së dielës, në rrugën “Gursel dhe Bajram Sylejmani” në Ferizaj.

Policia në raportin 24 orësh ka njoftuar se vdekjen e viktimës e ka konstatuar ekipi mjekësor në vendngjarje, kurse trupi i pajetë është dërguar në Institutin e Mjekësisë Ligjore për obduksion.

“Rr. Gursel dhe Bajram Sylejmani, Ferizaj, 08.08.2021-17:24.  Viktima mashkull kosovar, ka rënë nga kati i tetë i një ndërtese. Si pasoj e lëndimeve të marra viktima ka ndërruar jetë. Vdekjen e viktimës e ka konstatuar ekipi mjekësorë në vendin e ngjarjes. Me urdhër të prokurorit trupi i pa jetë i viktimës  dërgohet në IML për obduksion”, njofton Policia.