Ish-vokalisti i grupit TNT, Ferki Shala, pasi kishte hyrë në fe dhe ndryshuar plotësisht mënyrën e jetesës nga një roker flokëgjate, kishte deklaruar se hitet e tij duhet të mos transmetohen në televizione.

Por a është pishman për këtë deklaratë të bërë?

Shala në REPORTERI/INTERVISTA ka thënë se ndoshta mënyra si e ka thënë ka dalë e ashpër.

“Nuk bën me luajt me diçka që të shtin në zjarr, dhe mënyra si kam deklaruar ka dalë e ashpër dhe e rëndë. RTK-ja ku punojsha një kohë, e kanë bërë një respekt, kurrë asnjë këngë nuk e kanë lëshuar”, ka deklaruar Shala.

Ai ka thënë se ndjehet më mire me jetën tani që e bën si më parë.

“Unë nuk jam budall, nuk isha ik nga diçka që është e mirë, po të ishte mire atje do të isha ende, shumë më rehat jam, nuk krahasohet jeta ku kam qenë me jetën ku jam”, ka thënë Shala.

Ai ka thënë se pasi u bë praktikues i fesë islame po ka më shumë vëmendje se vite më pare kur ishte tejet i njohur.

“Me udhëzimin tim në islam, sa intervista me Ferki Shalën, derisa sa jam kanë në TNT s’di a kanë qenë 50”, ka deklaruar ai.

/Reporteri.net/.