Drejtori i Telekomit, Bedri Istrefi në një konferencë për media ka konfirmuar se kanë shkëputur kontratën me Z Mobile, pas dështimit të negociatave gjashtë mujore me këtë operator.

“Bordi i ndërmarrjes ka marrë vendim që të autorizohet kryeshefi në bashkëpunim të plote me ekspertët ligjor dhe financiar në harmoni të plote me veprimet ligjore, që sot gjatë ditës të njoftohet kompania Dardafon.net që pas dështimit të negociatave të pasuksesshme për 6 muaj, kontratën ta shpallim të përfunduar dhe pa asnjë obligim kontraktual”, ka thënë Istrefi, shkruan Reporteri.net.

Pas këtij lajmi punëtorët e Telekomit që ishin prezent shpërthyen në festë. /Reporteri.net/.