Kryeministri i Kosovë Albin Kurti, ka zhvilluar ditën e sotme një vizitë në Francë ku është pritur nga Presidenti Emmanuel Macron.

Fokus i këtij takimi pritet të jetë dialogu Kosovë-Serbi dhe rruga drejt integrimit Europian.

Kjo është vizita e parë e Albin Kurtit në Paris pas marrjes së detyrës si kryeministër.

Kujtojmë se një ditë më parë, Kurti priti në një takim këshilltarin politik për Ballkanin e Presidentit Macron, Isabelle Dumont dhe ambasadoren Franceze në Kosovë, Marie-Christine Butel.

Temat e takimit ishin zhvillimet politike në Kosovë, rajon dhe botë, qeverisja e mirë në Kosovë, integrimi evropian, si dhe bashkëpunimi dypalësh dhe thellimi i marrëdhënieve ndërmjet Kosovës dhe Francës.