I dërguari i posaçëm i presidentit amerikan për dialogun Kosovë-Serbi, Richard Grenell, ka publikuar në rrjetin e tij social, Instagram, pamje nga takimi mes Presidentit Thaçi dhe atij Vuçiq.

Takimi është mbajtur në Shtëpinë e Bardhë të Shteteve të Bashkuara të Amerikës.

Presidenti Thaçi pas takimit ka deklaruar se Shtetet e Bashkuara “po rikthehen në pozicionin që e kanë pasur, atë të përcaktimit të agjendave paqësore dhe të perspektivës euro – atlantike për tërë Ballkanin Perëndimor”.

E fotografia që ka rënë më shumë në sy, është ajo ku Thaçi shihet teksa lexon me habi një dokument, e ku presidenti serb freskohet me një pije.