×
  • Lajme
  • Lajme / DPT te Fidani

    “Frika e Kurtit nga kërcënimet e Serbisë”, Haziri: Zhvendosje e vëmendjes nga problemet e brendshme

    Reporteri
    23 Nëntor 2023 | 23:32

    Nënkryetari i LDK-së, Lutfi Haziri ka folur për situatën e sigurisë në vend pas paralajmërimeve të fundit për rrezikun e një lufte në Ballkan dhe rigrumbullimin e trupave të ushtrisë serbe në kufirin me Kosovën. 

    Ai  tha se paralajmërimet e Kurtit janë më shumë frikë e tij personale dhe zhvendosje e vëmendjes nga problemet e brendshme.

    “Paralajmërimi i Zelenskyt është shqetësues sepse kemi të bëjmë me një njeri që është në luftë dhe situata në Gaza ka zvneodsur vëmendjen e botës. Tani jemi prioritet i tretë. Por, vëmendja dhe monitorimi është ende aktiv, nuk ka ndryshuar asgjë. Kryeministri i Kosovës në vend që të merret me probkeme të brendshme dhe prioritetet që ka ky vend për të deeskalu dhe qetësugjendjen në interes të Republikës, ai po vazhdon me mbjellë frikë te njerëzit. Kjo nuk është reale, por zhvendosje e vëmendjesnga problemet e brendshme, potencialisht që lidhen me në raport me Serbinë, marrëveshjen e keqe të Ohrit, draft-statutin.”, tha Haziri në DPT te Fidani.

    Haziri tha se Kosova ka këtu trupat e KFOR-it por edhe Ushtrinë e Policinë e saj dhe nuk duhet të shkaktohet frikë në opinion.

    Ai tha se edhe qytetarët e Serbisë nuk besojnë që Serbia mund të kthehet në Kosovë.

    Haziri tha se janë manovra politike, sepse Serbia ka zgjedhje dhe se Kosovën e përdorin si kartë.

     

    Para pak ditësh, kryeministri i Kosovës, Albin Kurti, ka thënë se Serbia ka dislokuar sistem kundër-ajrore në afërsi të kufirit me Kosovën, shkruan Reporteri.net.

    Ai përmes një postimi në Facebook ka thënë se në Rashkë të Serbisë, po ngjan riorganizimi paramilitar e terrorist i Millan Radoiçiq dhe grupit të tij, me instruksione dhe mbështetje të shtetit të Serbisë.

    “Ajo vazhdon të kërcënojë sigurinë e Republikës së Kosovës me bazat e përparme operuese të Forcave të Armatosura të Serbisë përgjatë kufirit me vendin tonë. Për më tepër, Serbia ka dislokuar sistemet kundër-ajrore në afërsi të kufirit me Kosovën”, ka shkruar Kurti. /Reporteri.net.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2025. Të gjitha të drejtat e rezervuara.

    Linku i lajmit u kopjua!