Frika dhe paniku që ka shkaktuar tërmeti ka bërë që qytetarët sonte të qëndrojnë në qiell të hapur.

Në Ndroq disa qytetarë shikohet që kanë nxjerrë dyshekët për të fjetur jashtë sonte.

Edhe Emergjencat Civile kanë bërë thirrje që të mos qëndrojnë në banesa sonte.

Sonte do të ngrihen 6 kampe për tu ardhur në ndihmë qytetarëve.

Nga tërmetet e sotme në Shqipëri 68 persona kanë mbetur të lënduar, prej tyre edhe fëmijë.

Dëme më të mëdha materiale, kryesisht krisje banesash dhe pallatesh, ka pasur në Tiranë dhe Durrës. Në Tiranë krisje në 46 banesa dhe në tre pallate. Në Durrës dëme në 4 pallate dhe 42 banesa kryesisht të vjetra.