Gazetari i Radio Televizionit të Kosovës, Besart Galica, ka thënë se është sharë me nënë nga kryetari i Prishtinës, Përparim Rama.

Galica, i cili është edhe redaktor në RTK, ka thënë se ngjarja ka ndodhur para 3-4 ditësh kur teksa ndodhej në oborrin e kryeministrisë rastisi të takohej me Përparim Ramën.

Sharja me nënë gazetari Galica thotë se erdhi pasi i tha Ramës “Po duhet me të kritiku prej mëngjesit për mospunë”, në çka thotë se Rama ju përgjigj: “Kush më kritikon ia @i nanën!”.

Për këtë Galica thotë se ka edhe dëshmitarë edhe kolegë të tij gazetarë që ishin prezentë, transmeton gazeta online Reporteri.net.

Postimi i plotë i Galicës:

Po dua të ua tregoj një rast që me më pas thanë dikush nuk i kisha besu!

Para 3-4 ditësh, në oborrin e kryeministrisë, isha me një koleg, dhe e takuam kryetarin e Prishtinës, Perparim Rama.

Pas përshëndetjeve si respekte, i thashë: Po duhet me të kritiku prej mëngjesit për mos punë!

Tha: Kush më kritikon ia @i nanën!

Dmth nuk mbrrijta me besu çfarë sjellje prej rrugaqi.

E të shamen, po ja ktheva bash qysh e lypi!

(Në këtë ngjarje veç kolegut tim, është dëshmitare edhe një tjetër kolege e imja në RTK)