Me fillimin e sezonës së verës numër i madh i mërgimtarëve ia mësyjnë vendlindjes.

Pjesa e konsiderueshme e tyre në Kosovë vijnë përmes Serbisë, ku në vazhdimësi po iu shkaktojnë probleme mërgimtarëve tanë.

Për këtë ka shkruar edhe Gazetari Arben Ahmeti nga RTV Dukagjini, i cili u ka bërë thirrje mërgimtarëve që të shmangin rrugën kah Serbia, për shkak se shteti serb po i shfrytëzon ata për t’u hakmarrë për taksën, shkruan Reporteri.net.

Ahmeti u ka bërë thirrje mërgimtarëve që të mos lejojnë të trajtohen si njerëz pa shtet, pa të drejta dhe të pabarabartë.

Postimi i plotë pa ndërhyrje:

Te dashtun bashkatdhetare!

Autoritetet e Serbise kane vendosur qe t`u perdorin juve si subjekt per hakmarrje kunder takses.

Andaj nese zgjidhni qe rruga juaj drejt vendlindjes te kaloje neper Serbi, mos u befasoni nese gjobiteni me mijera euro, apo keqperdoreni ne nje forme ose tjeter.

Serbia synon qe duke ju gjobitur t`i mbledh sadopak parate e humbura si rezultat i takses.

Prandaj eshte e rendesishme sot me shume se cdohere tjeter, kete vere me shume se sa cdohere tjeter qe ta evitoni kalimin neper Serbi.

Mos prano te behesh viktime e nje hakmarrje primitive, e nje shteti primitive.

Mos lejoni qe te kenaqen serish derisa na trajtojne si njerez pa shtet, pa te drejta dhe te pabarabarte.

Njoftoni miqte e dashamiret.