×
  • Lajme
  • Lajme

    Gecaj: Duhet të dalim kundër “komandantëve keqbërës” të UÇK-së

    Reporteri
    13 Korrik 2019 | 8:31

    Deklaratat e historianit, Jusuf Buxhovi, rreth pastërtisë së luftës së UÇK’së kanë nxitur reagime të shumta në opinionin publik.


    Disa e kanë sulmuar, e disa edhe i kanë arsyetuar ato që ka thënë Buxhovi.

    Ish-këshilltari i Isa Mustafës gjatë kohës sa kishte qenë kryeministër, Bajram Gecaj, thotë se mjafton vetëm t’ua shohësh pasurinë disa komandantëve për t’a kuptuar se ata nuk janë të pastër.

    Reagimi i Bajram Gecajt:

    Lojalitet ndaj luftës, jo ndaj keqbërësve!

    Të gjithë ata të cilët vërtetë dhe me sinqeritet duan të mbrojnë emrin, trashëgiminë dhe vlerat e UÇK-së, do të duhej që së pari të flasin e veprojnë hapur dhe ashpër kundër keqbërësve, matrapazëve, sekserëve dhe kriminelëve të cilët vijnë nga radhët e UÇK-së, dhe të cilët i shohim në vazhdimësi që në emrin e luftës dhe luftëtarëve të keqpërdorin deri në ekstrem këtë sigle të shenjtë të popullit tonë! Janë këta individë të cilët për vite me radhë përdhosën mundin, djersën dhe gjakun e vajzave dhe djemve më të mirë popullit tonë. Fakti që disa nga ta ishin “komandantë” në UÇK nuk i amniston nga kritika e ashpër publike, pezmi qytetar, por as edhe nga ndjekja penale! Duhet të shohësh vetëm pasurinë e disa “komandantëve” dhe të kuptosh se ata nuk janë të pastër as para bashkëluftëtarëve, as para popullit, as para ligjit, por as edhe para zotit. Të gjithë ne, e në veçanti vajzat dhe djemtë e ndershëm të UÇK-së, duhet të marrim guximin që sot t’u dalim para dhe t’i luftojmë këta keqbërës nga radhët tona! Solidariteti dhe lojaliteti i verbër ndaj luftës, ndaj bashkëluftëtarëve dhe ndaj UÇK-së nuk guxon në asnjë mënyrë dhe në asnjë rast të mjegulloi e ta zëvendësoi lojalitetin e përkushtimin ndaj të ardhmes së vendit dhe fëmijëve tanë!

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!