Ministrja e Punëve të Jashtme, Donika Gërvalla ka reaguar pas raportimeve se ka kërkuar largimin e ambasadorit gjerman, Jorn Rohde nga pozita  e tij.

Gërvalla ka thënë se këto janë pretendime të pavërteta dhe absurde. Kryediplomatja e Kosovës ka thënë se ky është një sulm i radhës ndaj saj dhe institucionit që drejton.

“Pretendimi që kinse paskam kërkuar largimin e ambasadorit gjerman Rohde është sa i pavërtetë, aq edhe absurd. Është në vazhdën e fushatave dhe sulmeve të përditshme ndaj meje dhe institucionit që drejtoj”.

“Nuk duhet të befasohemi kur të lexojmë që kam kërkuar edhe shkarkimin e Kancelarit Scholz dhe Ministres së Jashtme Baerbock. Marrëzia nuk paska fund!”, ka shkruar Gërvalla në reagimin e saj.

Ndryshe, dje pati raportime se Donika Gërvalla ka kërkuar nga Gjermania që ta largojë nga Kosova ambasadorin aktual të Gjermanisë në Kosovë, Jorn Rohde. /Reporteri.net/