Një qytetar në pikën kufitare Vërmicë, ka gjetur 530 euro dhe një dollar amerikan, të cilat më pas i ka dorëzuar në Polici.

Po ashtu në portofol kishte edhe dokumente personale, ku nëpërmjet rrugëve operative, Policia ka arritur që të identifikojë personin që i kishte humbur portofoli, raporton gazeta online Reporteri.net.

“Qytetari dorëzon në Polici të hollat e gjetura. Në Stacionin Policor në Prizren qytetari me inicialet A.D. ka dorëzuar një portofol të cilën e kishte gjetur në pikën kufitare Vermicë. Në portofol kishte dokumente personale dhe para të gatshme në vlerë prej pesëqind e tridhjetë (530) euro dhe një (1) dollar amerikan. Policia nëpërmjet rrugëve operative ka arritur që të identifikoj personin që i kishte humbur portofolin dhe të njëjtit pas verifikimit në bazë të procedurave ligjore i është kthyer”, thuhet në njoftimin e Policisë.

Në përfundim, Policia ka falënderuar qytetarin i cili e ka dorëzuar portofolin, njëherit ka falënderuar të gjithë qytetarët për bashkëpunimin dhe besimin e vazhdueshëm ndaj tyre.

/Reporteri.net/.