Një qytetar i Istogut ka raportuar se gjatë gërmimit ka hasur në disa eshtra (mbetje mortore), tri gëzhoja dhe një palë rroba, për të cilat dyshon se i përkasin vëllait të tij i cili ishte i zhdukur gjatë fundit të luftës në Kosovë.

Rastin e ka konfirmuar Policia e Kosovës përmes raportit 24 orësh, shkruan Reporteri.net.

Në njoftim bëhet e ditur se në vendin e ngjarjes kanë dalë njësitë përkatëse, teksa është njoftuar edhe prokurori.

Ky është njoftimi i plotë i Policisë:

Istog   15.10.2020-16:45. Një m/k ka informuar se gjatë gërmimit ka hasur në disa eshtra (mbetje mortore), tri gëzhoja dhe një palë rroba. Ankuesi dyshon se këto mbetje i përkasin vëllait të tij i cili ishte i zhdukur gjatë fundit të luftës në Kosovë. Njësitë përkatëse kanë dalur në vendin e ngjarjes ndërsa është njoftuar prokurori. /Reporteri.net