Rusia, si një partner strategjik, do të vazhdojë të na sigurojë një mbështetje, tha shefi i Shtabit të Ushtrisë Serbe, gjenerali Milan Mojsiloviq, duke deklaruar se kanë përkrahen e ushtrisë ruse për sfidat në Kosovë.

Mojsiloviq, i cili ishte për një vizitë zyrtare me kolegët e tij në Moskë, i tha Novostit se ata kishin analizuar posaçërisht situatën në Kosovë dhe shtoi se” lëvizjet e njëanshme të Prishtinës po rrezikonin situatën e sigurisë”.

Kjo nuk është hera e parë që një ushtarak serb kërcënon kaq hapur Kosovën. Këtë gjë e ka bërë shpesh edhe ministri i Mbrojtjes, Vulin.

Duhet theksuar se Rusia ka forcuar ushtarakisht Serbinë pak javë më parë, për të cilën gjë kishin reaguar qeveritarët kosovarë, transmeton Reporteri.net.