Një familje nga Gjilani është tronditur nga shpërthimi i granatës në oborrin e shtëpisë së tyre.

Dikush e hodhi mjetin shpërthyes, teksa përveç dëmeve materiale, askush nuk u lëndua.

“Kom dalë e kom mendu që nxemja është aktivizu. PO kur jam dalë e kom kqyrë oxhakun, e më pas e kom pa veturën dhe siguresën e granatës”, ka thënë pronari i shtëpisë.

Ndërkohë, familjarët kanë dyshime se kush mund t’i ketë sulmuar, teksa në familjen e të përmendurve, nuk deshën të flasin.

Sipas kryefamiljarit, këto bomba kanë ardhur nga nja ish-bashkëluftëtar i tij, për të cilin thotë se e ka kërcënuar vazhdimisht.

Sidoqoftë, nga këto dy granata pati dëme të konsiderueshme, pasi u dëmtua shtëpia, vetura dhe gjëra të tjera përreth.