Presidenti i Republikës së Shqipërisë, Ilir Meta, po qëndron sot në Kosovë. Në një organizim të përbashkët me kryeministrin e Kosovës, Ramush Haradinajn, kreu i shtetit shqiptar ka ndarë medalje për të gjithë ushtarët e FSK-së të cilët i dolën në ndihmë zonave të prekura nga tërmeti shkatërrues i 26 nëntorit.

Meta ndër të tjera ka thënë se populli shqiptar do t’i jetë gjithnjë mirënjohës të gjithëve që erdhën në Shqipëri, FSK-së, njësitë policore, njësitë e tjera nga institucionet si KEK-u, Zjarrfikësit e Komunës së Suharekës, Miniera e Trepçës dhe Artanës, shkruan Reporteri.net.

Por ai ka pasur një falënderim të veçantë për qenin hero të FSK-së, i cili shpëtoi jetë pas tërmetit.

Por, këtë Meta e bëri me një gjest mjaftë të veçantë, duke u përkulur dhe e puthur në ballë.

Kujtojmë se mëngjesin e 26 nëntorit, Shqipëria u godit nga një tërmet shkatërrues që la të vdekur 51 persona, mbi 800 të lënduar dhe shumë objekte të shkatërruara. /Reporteri.net