Anëtari i Kryesisë së PDK-së, Betim Gjoshi, është shprehur i shqetësuar nga heshtja e Zyrës së Bashkimit Evropian në Kosovë për cenimin e sovranitetit të Kosovës nga Serbia.

Përmes një shkrimi në Facebook ka kërkuar përgjegjësi shefes së BE në Kosovë, Natalyie Apostolova.

“Ju zonjë nëse nuk jeni e zonja për të bërë punën tuaj – atëherë lirojeni detyrën! Heshtja e juaj është shprehje e pajtueshmërisë me veprimet armiqësore të Serbisë, prandaj prezenca juaj në Republikën e Kosovës është e dëmshme”, ka shkruar Gjoshi.

Postimi i plotë e Betim Gjoshit:

ZONJA APOSTOLOVA PËRSE PO HESHTNI?

Zonjë nëse nuk jeni e zonja për të bërë punën tuaj – atëherë lirojeni detyrën!

Sot, Serbia po cenon hapur sovranitetin e shtetit të Kosovës, por Apostolova nuk gjen fjalë për të reaguar. E çuditshme, kjo zonje din të reagoj edhe aty ku nuk i takon!

A mos ndoshta jeni në karantinë zonja Apostolova? Por, edhe nëse jeni ju mund të shkruani disa fjalë që kundërshtojnë mësymjen e Serbisë kundër Kosovës në këtë kohë pandemie.