Sekretari organizativ në Partinë Demokratike të Kosovës, Betim Gjoshi ka reaguar pas zjarrit në Institutin e Mjekësisë Ligjore, shkruan Reporteri.net.

Përmes një postimi në Facebook, ai ka thënë se sa më parë duhet të kuptohet se çka e shkaktoi këtë zjarr.

Tutje ai shkruan se kjo nuk është një rastësi e vogël, që një ngjarje e tillë ndodhi një ditë pas intervistimit të Ministres Albulena Haxhiu nga Prokuroria.

Postimi i Gjoshit:

Është fatkeqësi djegja e ndërtesës së Institutit të Mjekësisë Ligjore në Prishtinë.

Tash, sa më parë, duhet të kemi informata se çka e shkaktoi zjarrin dhe çfarë u dogj?

Cilat janë dëmet dhe a janë shkatërruar provat e ndonjë rasti?

Rastësi jo e vogël kjo ngjarje, një ditë pas intervistimit nga prokuroria të ministres Albulena Haxhiu. Nën vëzhgimin e saj, me 8 dhjetor të vitit të kaluar, ishin zhdukur edhe mostrat e Astrit Deharit.