Gjatë mbrëmjes së djeshme në Mitrovicë, konkretisht në rrugën “Dëshmorët e Kombit”, nga një veturë në lëvizje ishte shtënë me armë zjarri.

Lidhur me këtë rast, Policia e Kosovës në një përgjigje për Reporteri.net ka bërë të ditur se pas procedimit në vendin e ngjarjes si prova materiale ishin gjetur dy gëzhoja.

“Si rezultat i hetimeve intensive, hetuesit në kuadër të Stacionit Policor Jugu në Mitrovicë, në orët e pasdites së sotme kanë arritur që të identifikojnë të dyshuarin nga i cili është sekuestruar një armë të llojit pushkë automatike AK 47 me dy fishek, e cila dyshohet se është përdorur nga i dyshuari një ditë më parë”, thuhet në përgjigjen e PK-së.

“Në cilësi të të dyshuarit është intervistuar I. Sh., 41 vjeçar, ku pas procedurave intervistuese me urdhër të prokurorit të rastit, i dyshuari në fjalë është liruar në procedurë të rregullt. Ndaj tij është iniciuar rast për veprën penale përdorim i armës dhe armëmbajtje pa leje.”