Pika e karburanteve ‘EX FIS’, në magjistralen Prishtinë-Graçanicë, ka qenë cak i një plaçkitje të armatosur, mbrëmë rreth orës 03:00 të mëngjesit.

Gazeta Online “Reporteri.net” ka mësuar se një person me maske dhe i armatosur ka hyrë në pompën e derivateve, duke ua drejtuar armen punëtoreve që ndodheshin aty.

Nën kërcënimin e armës, siç mëson Reporteri.net, grabitësi ka marrë rreth 2500 Euro, në “EX FIX”, dhe pastaj ka ikur nga vendi i ngjarjes në drejtim të panjohur.

Rasti po trajtohet nga Policia e Kosovës si “Grabitje e Armatosur”.

PK kanë konfirmuar për Reporteri.net se kryesi i kësaj grabitje nuk ka arritur ende të identifikohet nga ana e tyre. /Reporteri.net/.