Sonte rreth orës 20:30 është raportuar për një grabitje të ndodhur në një dyqan në lagjen Mati 1, në Prishtinë.

Lajmi e ka konfirmuar zëdhënësja e PK-së për rajonin e Prishtinës, Flora Ahmeti, në një përgjigje për Reporteri.net, e cila tha se policia ka dalë në vendngjarje.

Gjithashtu, Ahmeti bëri të ditur se nuk raportohet për të lënduar.

“Pas marrjes së informacionit, policia ka dalë në vendngjarje dhe bazuar në të dhënat e para dyshohet se grabitja është kryer ngado të dyshuar të cilët më pas kanë ikur nga vendi i ngjarjes, teksa nuk raportohet për persona të lënduar.

Aktualisht policia ka iniciuar një hetim lidhur me rastin dhe ka nisur me ndërmarrjen e veprimeve të nevojshme policore me qëllim zbardhjen e rastit si dhe identifikimin e të dyshuarve”, tha ajo.