Deputeti i Lëvizjes Vetëvendosje (LVV) Gramoz Agusholli ka folur për herë të parë për krisjen e partisë dhe largimin e dy deputetëve Eman Rrahmani dhe Visar Korenica nga Grupi Parlamentar i LVV-së.

Aii ka thënë se ndjehet keq që ka humbur dy kolegë të mirë.

“Me Emanin dhe Visarin kemi rrugëtuar bashkë dhe kemi gjetur gjuhën e përbashkët. Kemi qenë kolegë dhe shokë të mirë. Kundërshtimet i kemi pasur të hapura për ligjet e kontestuara deri kur ata vendosën të mos vazhdojnë rrugëtimin me LVV-në”.

“Unë mendoj se kemi pasur hapësirë të qëndrojmë akoma në LVV. Kemi votuar rreth 250 ligje, derisa i kemi kundërshtuar 3 apo 4 ligje”, ka deklaruar Agusholli në Personale në Tv Dukagjini.

Ai thotë se vendimi për largimin e tyre nga LVV i ka “shkaktuar një mërzi të madhe” pasi humbi dy shokë.

Deputeti i LVV-së thotë se nuk ka mbetur i vetëm në parti sa u përket kauzave që lidhen me familjen.

Ai nuk beson se do të penalizohet për shkak të qëndrimeve të tij për Kodin Civil.