Sot gjatë ditës Policia ka pranuar informatën për një met të dyshimtë shpërthyer në Klinikën e Patologjisë.

Zëdhënësi i Policisë për rajonin e Prishtinës, Agron Borovci ka thënë për Gazetën Online Reporteri.net se policia ka dalë në vendin e ngjarjes dhe ka ndërmarrë të gjitha veprimet e nevojshme.

Tutje Borovci ka bërë të ditur se ekipet e specializuara të Policisë për menaxhimin e mjeteve shpërtheyese aktualisht po vazhdojnë punën deri në pastrimin e plotë të perimetrit të siguruar nga ana e policisë, derisa theksoi se personali është evakuuar.

“Rreth orës 14:00 është pranuar informata për një mjet të dyshimtë, që dyshohet të jetë mjet shpërthyes, në Klinikën e Patologjisë, respektivisht institutin para klinik. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme për tu siguruar nga rreziku i shpërthimit eventual, duke evakuuar personelin përreth dhe siguruar perimetrin e nevojshëm”.

“Në vendngjarje po ashtu janë ftuar edhe ekipet e specializuara të Policisë së Kosovës për menaxhimin e mjeteve shpërthyese, të cilët aktualisht po vazhdojnë punën deri në pastrimin e plotë të perimetrit të siguruar nga ana e policies”, tha Borovci për Reporteri.net.

Dyshohet për granata dore te një objekt në QKUK, ekipet e deminimit arrijnë në vendngjarje