I dërguari për dialogun Kosovë-Serbi, Richard Grenell, ka publikuar fotografitë e takimeve me Presidentin e Kosovës, Hashim Thaçin dhe atë të Serbisë, Aleksandër Vuçiq.

Ai përmes një postimi në faqen e tij zyrtare në Instagram, ka zbuluar momente nga takimi, shkruan Reporteri.net

Në fotografitë e publikuara nga Grenell, shihen për herë të parë Hashim Thaçi e Vuçiq përballë njëri-tjetrit në një takim ku ndërmjetësues janë amerikanët.

Ndryshe pas këtij takimi, Presidenti i Republikës së Kosovës, Hashim Thaçi ka thënë se Kosova është e bekuar me mbështetjen e Amerikës.