Richard Grenell, përfaqësuesi Special i presidentit amerikan, Donald Trump për dialogun Kosovë – Serbi, ka njoftuar Shtëpinë e Bardhë se do të largohet nga pozita e tij si ambasador i SHBA-së në Gjermani.

Grenell këtë e ka konfirmuar për “Daily Wire”, përmes një bisede telefonike.

“Po është e vërtetë. Po planifikoj të kthehem në shtëpi së shpejti”, citohet të ketë thënë Grenell, shkruan Reporteri.net.

Grenell ka marrë këtë vendim pasi Presidenti i Shteteve të Bashkuara të Amerikës, Donald Trump, e ka nominuar kongresmenin republikan John Ratcliffe, për pozitën e Drejtorit të Inteligjencës Kombëtare. Trump e ka cilësuar të nominuarin Ratcliffe si një njeri të shquar me talent të madh.

Kujtojmë se Grenell është parë si ambasadori i preferuar i Trump për shkak të përpjekjeve të tij për të përparuar agjendën e presidentit jashtë shtetit. /Reporteri.net

/Reporteri.net/.