I dërguari special i administratës Trump për dialogun Kosovë-Serbi, Richard Grenell ka njoftuar  sot se ka dhënë dorëheqje nga pozita që ai mbante në Departamentin e Shtetit.

Grenell do të vazhdojë ta mbajë postin e të dërguarit special për dialogun Kosovë-Serbi.

Këshilltari i presidentit Trump për Siguri Kombëtare, Robert O’Brien, ka konfirmuar se Grenell do të vazhdojë punën e tij në pozitën e emisarit për dialogun Kosovë-Serbi.

O-Biren gjithashtu ka treguar se Richard Grenell ka vullnet për t’i shërbyer Shteteve të Bashkuara të Amerikës në pozitën e emisarit për dialogun Kosovë-Serbi.

Ai ka treguar se Grenell do të punojë jashtë Shtëpisë së Bardhe dhe me orar të përgjysmuar.

“I jam mirënjohës Ric-ut për vullnetin e treguar për t’i shërbyer kombit tonë në kapacitete të pjesshme si Përfaqësues Special për negociatat ndërmjet Kosovës dhe Serbisë, duke ushtruar detyrën e tij nga Shtëpia e Bardhë”, thuhet në qëndrimin e O’Brien të publikuar nga National Security Council.

Ndërkohë gazetarja e Bloomberg, Jennifer Jacobs, ka thënë se Richard Grenell do të punojë në kampusin e Shtëpisë së Bardhë në ndërtesën e “ Eisenhower Executive Office Building”.

“Më është thënë se aleati i Trumpit, Richard Grenell, ka dhënë dorëheqje nga roli i tij si ambasador në Gjermani të hënën. Ai është i fokusuar në rolin e tij si përfaqësues special për negociatat Kosovë-Serbi. Ai është zhvendosur në një zyrë në kampusin e Shtëpisë së Bardhë, në EEOB, të hënën”, ka shkruar Jacobs.

Trump ally Ric Grenell resigned from his role as ambassador to Germany on Monday. He is focusing on his existing role as special envoy for Serbia and Kosovo negotiations. He moved into an office on the White House campus, in the EEOB, on Monday, I'm told. https://t.co/LcptgJdr3H

— Jennifer Jacobs (@JenniferJJacobs) June 2, 2020