Kryetari i OVL-së, Hysni Gucati dhe Nasim Haradinaj janë duke u transferuar për në Hagë, shkruan Reporteri.

Lajmin e ka bërë të ditur avokati i OVL-UÇK-së Tomë Gashi në një konferencë për media.

Gashi ka thënë se këto arrestime kanë të bëjnë me dokumentacionet që rrodhën në javët e fundit në lidhje me dosjet e Speciales.

Arrestimet e dy krerëve të OVL-UÇK-së nxitën tensione në Kosovë, ku para zyreve të OVL-UÇK-së, u mblodhën një numër protestuesish, të cilët edhe u përleshën me policët e EULEX-it.

Këto arrestime vijnë një ditë pasi Tribunali Special nisi arrestimet e para të pjesëtarëve të UCK’së, që akuzohen për krime lufte.

Procesi i bastisjes në zyrat e OVL-UÇK ka përfunduar para 30 minutash. /Reporteri.net