Një vjedhje e rëndë ka ndodhur dje gjatë orës 2 të mëngjesit në Qendrën Kryesore të Mjekësisë Familje në Prizren, shkruan Reporteri.net.

Sipas raportit të Policisë së Kosovës disa persona kanë hyrë me forcë në bodrumin e QKMF-së dhe kanë vjedhur sasi të ndryshme të barnave.

Policia njofton se po e heton këtë rast të vjedhjes.

“Rr. Xhemal Bjediq, Prizren 05.02.2021 – 02:00. Ankuesi mashkull kosovar punëtor i sigurimit, ka informuar se persona të pa njohur kanë depërtuar me forcë në bodrumin e QKMF dhe kanë vjedhur sasi të ndryshme të barnave. Njësia përkatës policore është duke hetuar rastin”, thuhet në raportin 24-orësh të Policisë së Kosovës.