Sot rreth orës 18:30 është raportuar për një tentim grabitje të ndodhur në një argjendari në rrugën “Ilir Konushevci” në Prishtinë .

I dyshuari ka dështuar të kryej grabitjen përderisa i njejti është vënë nën kontroll nga ankuesi i përkrahur dhe nga qytetarë të tjerë.

Lajmin e ka konfirmuar Agron Borovci, zëdhënësi i PK-së për Rajonin e Prishtinës, gjersa shtoi se i njëjti më pas është arrestuar nga ana e policisë.

“Aktualisht policia ka iniciuar një hetim  lidhur me rastin dhe ka nisur me ndërmarrjen e veprimeve të nevojshme policore me qëllim zbardhjen e rrethanave të rastit.”

Tutje ai shtoi se nuk raportohet për persona të lënduar.