Kryetari i Vitisë, Sokol Haliti, teksa ka folur për pandeminë ka thënë se kanë arritur ta menaxhojnë situatën, pasi në komunën që udhëheq ishte shënuar rasti i parë me COVID-19, konkretisht në fshatin Stubëll.

Ai tha se kanë qenë tejet të organizuar, me takime të përditshme dhe sidomos gjashtë muajt e parë.

Haliti tha se komuna e tij tash nuk ka asnjë person të prekur me koronavirus.

“Vaksina nuk ka mjaftueshëm, por procesi i vaksinimit po vazhdon”, ka thënë ai në intervistën REPORTERI n’Komunë.

Tutje, i pari i Vitisë u shpreh se si komunë kanë investuar shumë në shëndetësi, ku pohoi se janë ndërtuar disa ambulanta. /Reporteri.net/.