Ministri i Infrastrukturës, Liburn Aliu, ka njoftuar se tashmë zyrtarisht janë hapur korridoret ajrore me Shqipërinë.

Aliu tha se ky ishte synim i kamotshëm që shënon një arritje tejet të rëndësishme në fushën diplomatike në mes dy shteteve.

“Fluturimet në drejtim të perëndimit dhe ato reciproke janë shkurtuar dukshëm, e përveç se po udhëtojmë lirshëm pa viza në zonën shengen, tani qytetarët tanë po përfitojnë substancialisht edhe nga optimizimi i kohës në udhëtime”, ka shkruar Aliu.

Korridori ajror me Shqipërinë pritet që të shkurtoj kohën e fluturimeve deri në 20 minuta.